عجبي

انا بعتذر عن فتره الغياب الطويله دي
بس واللهي شويه الكمبيوتر بايظ وشويه مفيش وقت وحاجات كدا كتير

معلش اعذروني وان شاء الله هتابع مدوناتكم اللي افتقدتها جدا جدا قريب

هو الكمبيوتر لسه بايظ بس ولو

انا قولت اكتب كدا حاجه سريعه للعم صلاح جاهين

كان بيقول

عالم اللوع اضخم كتاب في الارض
بس اللي بغلط فيه يجيبه الارض
اما الصراحه فامرها ساهل
لكن لا تجلب مال ولا تصون عرض
عجبي

يا باب ايا مقفول امتي الدخول
صبرت ياما واللي يصبر ينول
دقيت سنين الرد يرجع لي مين
لو كنت عارف مين انا كنت اقول
عجبي


لا تجبر الإنسان ولا تخيره
يكفيه ما فيه من عقل بيحيره
اللي النهارده بيطلبه ويشتهيه
هو اللي بكره ح يشتهي يغيره
عجبي


زحام وابواق سيارات مزعجة
اللي يطول له رصيف يبقي نجا
لوكنت جنبي يا حبيبي انا
مش كنت اشوف ان الحياة مبهجة؟
عجبي


انا اللي بالامر المحال قلبي اغتوي
شوفت القمر نطيت لفوق في الهوا
طلته ماطلتوش وايه انا يهمني
وليه... مادام بالنشوة قلبي ارتوي
عجبي


انشد ياقلبي غنوتك للجمال
وارقص ف صدري من اليمين للشمال
ماهوش بعيد تفضل لبكره سعيد
ده كل يوم في الف الف احتمال
عجبي


المهم بقي تدعولي كتير جدا ان ربنا يوفقني
بجد متنسوش لاني محتاجه الدعوه دي اووووي

حاتم


شاب في البكالوريوس، عمره 21 سنه، حيوي لأبعد الحدود، بيحب الخروج ودمه خفيف جدا، محبوب من قريبه وجيرانه وعنده اصحاب كتير، علاقة بربنا عاديه يعني زي شباب كتير غيره
وفجاه ومن غير معاد سابق، كان أهم معاد في حياته معاد مع السرطان
معروف انه مرض خبيث لكن في حالته دي كان فريد من نوعه لان فصيلة دم حاتم فصيلة نادرة
\
وبدا الشخص الحيوي يبقي مفروض عليه قيود المرض اللعين، وعلي الرغم من حالته الصحية كان مستقبل المرض كأنه برد جاي وهيروح وكانت نفسيته عالية جدا لدرجة أني لما كنت بقوله سلمتك كان بقولي الحمد لله أنا أحسن من غيري كتير، وكان بيبقي نفسي أقوله كفاية عليك الكيماوي ومدي الألم اللي بتحس بيه بعد كل جرعه.
مره كنت عايره أضحكه، فقولت له قول من ذنبي فأعفر لي، قالي أنتي بتهزري أنا فعلا مقتنع إن ربنا بيغفر لي ذنوبي، قولتله ياه هي ذنوبك كتير أوي كده، قالي أكيد خلصت خلاص الحمد لله
\
وفي أخر جرعه ليه، وحقيقي كانت أصعب جرعه، أتغيير إحساسه بان المرض مجرد برد جاي وهيروح، كان ببقول لمامته أنا حاسس إن الجرعة دي مش هتعدي، ومكدبش إحساسه، قبل ما الجرعة تخلص توفي.
بس سبحان الله قبل ما يتوفى نام، ولما صحته امه قالها هاما أنا شايف تفاح حلو أوي، قالتله حبيبي التفاح جوه هجيبلك، قالها لا مش عايز من تفاحكم ...
وابتدأ يقرا سوره يس، وبعدها نطق الشهادة، وخافت امه عليه أوي لأنه كان تعبان لدرجه انه بيصرخ بالشهادة، ونادت الدكتور وهي بتقول ألحقوني ابني هيضيع مني، وأتنقل حاتم للعناية المركزة، وفارق الحياة
\
يا اد ايه ربنا بيحبو، ميت متشاهد، قارئ سورة يس، ليلة الجمعة 15 رمضان 1425 ... نحسبك انتقلت إلي الله بقلب سليم قال الله تعالي إنما يوفي الصابرون أجورهم بغير حساب، وخلصت الحكاية لان صاحبها زفت إلي الجنة إن شاء الله.
...................................................

لما حاتم مات كنت أول مره اسمع كلمه مات وأفكر فيها
يمكن لأنه كان صغير، ويمكن لأني مكنتش أتوقع وفاته
كانت دايما كلمه مات دي بتعدي عليا عادي مبتفرقش يعني
لكن دالوقتي كلمه مات دي بتهزني أوي
ديما بتخيل أني ممكن أكون مكان الشخص دا مهو في ناس قي سني ماتت
ودا فرق معايا أوي
وحبيت أوصل المعني دا للناس في ذكري حاتم لعلها تكون صدقه علي روحه
باريت كلنا نتخيل نفسنا مكان حاتم
ونحاول نعمل حاجه لنفسنا

وأخيرا أذكركم ونفسي بقول رسول الله صلي الله عليه وسلم
خاب وخسر من أدرك رمضان ولم يغفر له
فهيا شدوا العزائم لعلنا نعتق رقابنا من النار

وأخيرا أسالكم الدعاء لموتي المسلمين بالمغفره والعتق من النار

أنك بأعيننا

أقرا
باسم ربك الذي خلق



أدخل هنا اولا

http://6ef.blogspot.com/2007/09/blog-post.html


وصلوا إلي التقدم!!!
ا

نعم ربما وصلوا إلي التقدم ولكنهم نسوا أن يستفيدوا من ملامح الحب والرحمة والعدل في الحضارات السابقة ... في الحضارات التي استطاعت أن تسود وتقود البشرية بكل احترام للإنسانية بكل حب ورحمة وعدل

نعم ربما يأتي نجاح بغير حب
ولكن لم يستمر النجاح بغير الحب والعطاء

هيا بنا نعمل لنحب أنفسنا اكتر
تعالوا نرسخ أيمانا بأنفسنا
هيا بنا نجتمع علي البر والتقوى
نقود أنفاسنا إلي تفاعلا اكبر مع رسولنا مع قرانا مع إسلامنا
ولنعمل في كل اتجاه وبطرق منظمه


فلكي ترقي صوره الإسلام لابد أن نعمل في اتجاهين متلاصقين وهما تحسين صورة المسلمين في عيون الغرب مع تحسين دائما لصوره المسلمين لأنفسهم

فان كان هناك من العلماء والدعاة من سعوا لتعريف الغرب بالحبيب محمد صلي الله عليه وسلم فحان وقتنا لنساندهم ... فكر كيف تساندهم

ويمكننا أيضا أن نساند أنفسنا
هيا بنا نرسخ ونعمق فهمنا لآيات القران مثلا وليكن علي مستوي المدونين المسلمين الهادفين أولا >>> ولتكن عن طريق إنشاء مدونة ولنسميها

ولو أية مثلا وليكن شعارها أية في سبيلك فأنك بأعيننا
المدونة عبارة عن بوست أسبوعي، البوست دا بيحمل خاطره عن أية، الخاطره دي بتوضح تفاعل كاتبها مع اية من أيات القران، وأي حد ممكن يكون كاتب البوست دا هنعمل ميل وكل اللي عايز ينزل بوست في المدونة دي يرسلنا البوست مكتوب ع الميل


أنا نفسي المدونة دي تبقي بتاعتنا كلنا وتبقي اشهر مدونة في المدونات

ها مين رفع أيده لنصره الحبيب
مين قال انك بأعيننا
مين معانا؟؟؟

وإننا نتعهد أننا حين نستعيد قيادتنا ونصل إلي تقدمهم لن ننسي أن نستفيد من أخطائهم من اندفاعهم نحو التدهور والجنون نحو القهر والكره والقتل والدماء

...

Interviews


مش غريب ان الواحد يجيله تاج عادي بتحصل
لكن الغريب ان حد يبعتلك تاج وأنت معندكش مدونة
ويقولك عادي اعمل بلوج وأبقي رد ع التاج
!!!!
هي
ياسمين كدا ديما تعمل فيا حركات جامدة
شكرا ياياسو

التاج كان بيقول قول خمس حاجات محدش يعرفهم عنك؟
أنا هتكلم علي خمس
مقابلات شخصية


الأول في المعهد البريطاني
IBI

عشان احدد المستوي اللي هبدا منه المفروض ادخل انترفيو
خلاص امتحنت تحريري وعرفت درجاتي وكنا خمس بنات
فالموظفة قالت لي أنتي بس اللي هتبدائي دالوقتي
فقولتلها ماشي لكن مكنتش واخده بالي أني هبدا مقابلة توقعت أني هبدا الكورس نفسه، دخلت المقابلة واللي كان بيمتحنني مبيتكلمش عربي أصلا
فقال لي what's your name?
أنا قاعدة ساكتة ومش واخده في بالي أني أرد أصلا
كنت مستغربه ومسترخمه أني أكون في القرص لوحدي
فالراجل قالي
Your name is sally, That is true?
فقولت له
Yes, my name is sally
الحمد لله أدركت انه بيسالني ومكنتش في الوقت دا أصلا اعرف ان في حاجه اسمها مقابلة شخصية أصلا .. اعطاني جريدة انجلزية وقالي أقرا وبعدين قالي انه هيتكلم وأنا عليا أقول نفس الكلام إلي هو بيقوله... وحدد المستوي وشكرني
وأنا قولت هاااه الحمد لله مش هاخد الكورس لوحدي
وأتعلمت من المقابلة دي ان الواحد لازم يبقي محضر للمقابلات الشخصية ويعرف مين اللي هيحاوره كمان

المقابلة الثانية
كانت بتدرب في بنك فدخلت اعمل مقابلة ضغننه كدا
بردك معرفش أنها مقابلة شخصية مش عارفه هما مستقصدني وله ايه !!!
المهم دخلت واتعملت بكل بساطة والراجل أصلا كان لذيذ جدا
فوجئت انه بيقولي هنكون سعدا انك تنضمنا في فترة تدريبك، قولت مع نفسي لا واللهي يعني دي كانت مقابلة بردو

أتعلمت من المقابلة دي ان الواحد يبقي تلقائي وميتجملش

المقابلة الثالثة
كانت في كورس واللي كان بيعمل معايا المقابلة كان عايش أوي عليا
وأنا بصراحة مبحبش الجو دا
كان هو كمان اللي عامل السمينار "العرض الافتتاحي يعني" وقال فيه قصة كان حكاها د/ إبراهيم الفقي فانا علقت عليها في الاستمارة اللي وزعوها علينا لأنهم كانوا طلبين تعليقاتنا
فأول سؤال من قبل مايقولي حتي عرفي نفسك بيقولي أنتي تعرفي د/إبراهيم الفقي منين؟ انا بصراحة فهمت قصده وقولتله د/ إبراهيم شخصية عامه وأنا قرات له وحضرت له ندوات قالي بلهجة مستفزه حضرتك كان عندك نقد ع الطريقة اللي عرضت بيها القصة؟ قولتله بصراحة أنا مقتنعة ان الإنسان لما ينقد حاجه بيبقي حابب يشوفها بصورة أحسن ودا كان قصدي من النقد اما عن النقد نفسه فقولتهوله تاني وفهمته قصدي

فقالي ممكن تعرفينا بنفسك؟
فابتسمت كدا اللي هو أنت لسه فاكر ورحت معرفاه بنفسي، طول المقابلة بقي قاعد يستفذني وأنا طبعا عادي برد في الحدود بتاعت المقابلة بس، في أخر المقابلة قالي ان شاء الله هنبقي نتصل بيكي، قولتله دا طبعا لأني نجحت في المقابلة راح مبتسم كدا وقالي اكيد، وأنا في اتجاه الباب راح قايل انسه سالي قولتله ايوه راح مسقفلي، بجد أنا فرحت بالحركة مووووت بس بردك فضلت مخنوقة منه

بس أتعلمت من المقابلة دي ان الواحد لازم يكون مش خايف وهو في المقابلة ويبقي فاهم القصد من السؤال وميردش إلا لو اقتنع بأهمية السؤال

أخر حاجه هقولها مش مقابله بس كلمتين مقتنعة بيها أوي

لا يمكن ان تتيح لك فرصة الانطباع الأول إلا مرة واحدة

الانطباع الأول يدوم طويلا

تاج الوقار


ياسمين حراس الحقيقة صحبتي اللي ديما عمله معايا حركات جامدة بعتت لي تاج وجالي تاج من ما علينا و كلام في الممنوع أصدقائي ع النت فانا هدمجهم مع بعض وارد عليه وشكر كبير ليكم ألبسكم الله تاج الوقار بالفردوس الأعلي من الجنة

اسمك؟ سالي
عمرك ؟ عشرين ونص
برجك؟ الحوت

مجال دراستك؟ أدارة الأعمال

اسم مدونتك؟ رؤية

لماذا اخترته وما هى نيتك من وراء اختياره؟
روية أسم هدفي في حياتي وأنا بحب الأسم دا أوي وأخترت انه يكون أسم المدونة عشان الأسم يبقي ديما قدامي وأحس
انه قريب مني

صورتك الرمزية في المدونه بتعبر عن ايه؟ معنديش صورة رمزية اصلا

هل فكرت فى اغلاق مدونتك والسبب؟
لا مفكرتش لاني طول ما أنا حاسه ان مدونتي مؤثرة عمري ما هقفلها،
ان شاء الله تكون مؤثرة فيه أنا بس

ايه رد فعلك لو حد قل ادبه في التعليق؟ حسب الموقف وحسب اسلوبه

اسوأ مدونه؟
لو في مدونه مش عجباني خلاص عادي مش هتابعها هأرف نفسي ليه

هيحصل ايه للايميل لما تموتي؟ هيتقفل عادي يعني

اديتي الباسورد لحد قبل كده؟ اه منة الله طيف يعني

السفر بالنسبة لك؟
أنا من الناس اللي بتحب السفر أوي بس لازم الصحبة تكون حلوة
وطبعا بكرة الغربة مووووت
واحلي سفر بجد هوسفر القلوب

بتاعك؟Mood ال
هتلاقي الاجابة دي في قول رسول الله صلي الله عليه وسلم لكل أمرؤا من اسمة نصيبه... وسالي تعني الحيوية والنشاط وهو دا مودي بفرح أوي وبحزن أوي وبشتغل أوي وبتكلم بسرعة اوي يعني انفعلاتي كلها حيوية

بتعملي ايه في وقت فراغك؟
جبولي كدا وقت فراغ انتم بس وانا اشغل لكم ابوه

الصفات اللى اخذتها من بابا؟
بابا عرفني معني كلمة رجل
وأخدت من صفاته حب اهله والكرم والحنان والشجاعة والرضا
واخدت كمان أسلوب عصبيته فبتعصب بسرعة وباهدا بسرعه

الصفات اللى اخذتها من ماما؟
الطيبة والبساطة الحنان وحبها للترابط الأسري
كمان أخدت شكل توترها المبالغ

أكتر ست حاجات بتكرهم؟
البنت اللي معندهاش حياء، الظلم، الخيانة، الغش والخداع
الأستضغاف، السلبية

لماذا دخلت عالم التدوين من الأساس؟ عشان اعمق أفكاري أواثر وأتاثر

أحلي جملة قيلت في وصف مدونتك؟
لما حد يقولي ان في بوست أثر فيه وغير منه

اهمية التعليقات بالنسبة لك؟
التعليقات بالنسبه لي نبض المدونة، وفي ناس بعينها بقي مستنية ارائهم ولما بيتأخروا بفضل مستنياهم وساعات التعليقات بتخليني اغيير في البوست نفسه عادي جدا معنديش مشاكل

احلي بوست كتبتيه؟ الباب الأخير
هي كانت خاطرة كداعن موقف انفعلت بيه بس مكنش موقف شخصي يعني، وتقريبا كل اللي علقوا كانوا فكرينها حاجه حصالتلي، أنا بصراحه فرحت لاني حسيت أني عرفت اوصل المعني والاحساس كمان البوست دا كان في موقف المر أه اللي أنا احترمها اصلي بصراحه بكرة الستات والبنات الضعاف اللي ملهمش موقف في حياتهم وبحس ان عشان الواحد ياخد موقف في حياته لازم يبقي قوي وفاهم أزاي يتعامل مع نفسه في الأول

افضل مدونه قرأتها؟ كل المدونات اللي بتباعها بفضلها

افضل بوست قرأته ؟ لا بجد كتييييييييييرأنا اصلا وانا بعلق بتكلم بصراحة أوي
فتعليقي علي أي بوست بيعبر عن رائي فعلا

الشغل بالنسبه لك ؟ وسيلتي لتحقيق حلم حياتي وسيلتي لرؤية

الانترنت بالنسبه لك؟ هوايه من اهم هوياتي

أنت سعيد؟ اه سعيده
بس كمان عارفه ان مفيش سعادة كاملة في الأرض آبا الله أن تتم سغادة كامله علي سطح الأرض فكل سعادة فيها مشقة

لو أجتمعت أنت وحسنس مبارك في غرفه واحدة هتقوله ايه؟
أنا مش هقول أنا هقوله ايه بس هقولك موقف عجبني مووت عجبني أوي كلمه قالها الشعراوي لحسني مبارك قاله ان كنا نحن قدرك اعانك الله علينا وان كنت انت قدرنا اعاننا الله عليك اول مره سمعتها انبهرت بالشعراوي ربنا يرحمة كان لا يخاف في الحق لاؤمة لائم

لو معاك مليون ونص جنيه تعمل بيهم ايه؟ أبدأ بيهم مشروعي بأذن الله

بتحب مصر؟
اه جدا
وانا بسمع سيرة الرسول مع السيدة مارية المصرية كانت في حاجه كل ماتيجي أضحك ضحكة حب زي اللي بضحكها وأنا بكتب الكلام دا دالوقتي وهي ان السيدة عائشة والسيدة حفص كانوا بيغيروا من السيدة مارية عشان الرسول كان بيحب اسلوب كلامها المصري يااااااه ايه دا شايفين المصروا بيخظفوا القلوب أزاي علي راي السعودين؟
كمان الرسول سكنها في العالية عشان هي جاية من مصر و متستحملش جو الصحراء كمان السيدة مارية خلفت للرسول أبنه إبراهيم فهو فيه عرق مصري شايفين أحنا جامدين أزاي
وقال صلي الله عليه وسلم أنكم ستفتحون مصر وهي ارض يسمي فيها القيراط، فإذا فتحتوها فأحسنوا إلي أهلها، فان لهم ذمة ورحما
دا غير حديث الرسول خذوا جند مصر فهم خير جنود الأرض
عشان كدا لما د/ طارق السويدان قال مفيش نهضة للمسلمين بدون العرب ومفيش نهضة للعرب بدون المصرين مكنتش مستغربه بس كنت فخورة وسعيدة موووووت وخايفة أوي من الحمل اللي أحنا شايلينه
دا غير بقي ان مصر ذكر اسمها في القران وأجمل القصص "قصة سيدنا يوسف" حصلت في مصر
مجبهاش بعد كل دا أزاي أنا مصرية وسعيدة جدا بهويتي
مسلمة عربية مصرية

بتحب البنات؟ اكتر حاجه أحبها في البنت أو الولد صفة الرجولة

أنت مسلم؟ اه
ليه؟ ربنا عاير كدا وأنا كمان

مين أكتر شخصية متقدرش تستغني عنها في حياتك؟ ولبه؟
سالي لأني لو استغنيت عن نفسي هستغني عن حياتي

اكتر موقف محرج اتعرض له في حياتي؟ واتصرفت أزاي؟
كنت في المقراه والمحافظة اللي بتحفطني كانت واخده أجازه كدا شوية المهم المحافظة الجديدة بتسمع لي
فبتقولي لالا غلط فخمي الراء يعني قولي وقالت لي النطق الصح
طبعا silent وانا لدغه فالراء عندي
فقولتالها لما انطقها ان شاء الله هبقي أفخمها
وشيل من دا كتييييير لان الراء دي مضيعة نص كلامي، بس أنا بردك بحبها

اية الامنيه إلي بتدعي ربنا يديما يحققهالك؟
في دعوة نفسي ربنا يحققها لي بس مش بحب أقولها بس انتم ممكن تقولوا لي ربنا يحقق لك اللي في بالك
/
تمرر التاج دا لمين؟

وألبسنا الله جميعا تاج الوقار في أعلى الجنان
اللهما أمين
/

كاريكاتير الحرانين

أيه رأيكم في الكاريكاتير دا
؟؟؟؟؟؟؟
باتري كل واحد فهمه أزاي
؟؟؟؟؟؟؟
ومن وجهة نظره الخاصة
بيعبر عن أيه
؟؟؟؟؟؟؟


هكتب تعليقي
بس أعرف أرائكم
لعلي لا أحتاج إلي التعليق
...........................................................................
تحديث
الكاريكاتير للفنان "محمد سامي"
وحقيقي هو من أجمل وأقوي الكاريكاتير اللي شفتها
وأنا أعتقد انه ببقول

كل البشر مختلفين لكلا بصمته التي لا يمكن تقليدها ولا استنساخها
يعني كل إنسان عنده ميزه بتميزه عن غيره
_بطارية ماتور مروحة_
الميزة دي عنده ومش عند حد تاني زيها زى بصمت اليد
ومافيش أتنين لهم نفس بصمه اليد حتى التوائم بصمت أيداهم مختلفة
ومهمة الإنسان انه يدور ويكتشف الميزة دي لأنها سر تميزه وتألقه
بل وسر حياته >> فهي بصمته في الحياة
يقولون أن لم تزد للحياة شي فأنت زائد عليها
عشان كدا وعلي رائي
حراس الحقيقة
فالاختلاف في شخصيات فريق عمل وأرائهم وتطلعات شي ايجابي يثري العمل

وعشان كدا كل واحد لازم يعرف أزاي ممكن يعبر عن أفكاره بأحسن الأساليب و أزاي ممكن يتعامل مع اللي قدامه يفيده ويستفيد منه لان الإنسان لا يستطيع العيش بمعزل عن الآخرين
ومنة الله قالت
مفيش شخص كامل .. كل شخص عنده حجات ناقصا موجودة عند شخص تاني و كل واحد فاهم ده
وما علينا أكدت علي نفس المعني وقالت
مفيش كيان متكامل من الفردية .. وتحقيق الهدف ديما محتاج فريق .. ومفيش إنسان يقدر يعيش لوحده ولا ينعزل ولازم كل واحد فينا يكون عنده الاستعداد الكامل للمشاركة بما لديه ..مفيش حد يقدر يستقل بما لديه لازم يكون في يقين ان مشاركتي مع الغير هايكون لها تأثير كبير وكل واحد لوحده هيكون ضعيف وغير مؤثر لكن بالاجتماع على هدف واحد تتحقق الأهداف فلابد من الثقة في أهمية دور كل فرد

ودعم لنا The manger
الكلام دا بمثال فقال
there is no (I) in the (group) there is no (group) without (U)

ودا اللي اكده خطاب لما قال
ربما كانت فكرتى سيئة و فكرتك رديئة لكن بالمزج بينهما يمكننا الحصول على فكرة جيدة و مبتكرة وهنا تكمن اهمية العمل الجماعى


ولازم نعرف ان قيمة الإنسان تتصاعد باستخدام المعارف والمهارات والخبرات والقدرات التي اكتسابها في الحياة
مهو لو مكنش الواحد اللي عنده البطارية عارف أنها عنده وعارف أزاي ممكن يستخدمها عشان يفيده نفسه ويفيد غيره أكيد كان ممكن المروحة متتعملش
ودا قالته وعدة حق
فهم ان كل منا لديه إمكانيات لابد من استغلالها لازم نبحث عن إمكانياتنا ونعرف ممكن نقدم ايه نفيد بيه ونضيف
دا ممكن لو طبقنا كلام The manger
بان الواحد لازم يشوف هو محتاج إيه وهيكمله أزاي من الآخرين ومش ينفرد لوحده بإمكانياته
لأنها هتبقي غير كافية

3- الإنسان يتميز بميزة العقل وقدرية علي حل المشكلات
_وذكر العقل بالقران في 61 أية_
و
رينا قالت
اللي يستخدم عقله والإمكانيات اللي عنده ميندمش

فهيا
فكر ... قرر ... أكتشف قدراتك ... وبها تحرر
فحينما سئل نابليون بونابرت كيف استطعت ان تمنح الثقة في أفراد جيشك
فقال كنت أرد بثلاث
من قال لا اقدر قلت له حاول
ومن قال لا اعرف قلت له تعلم
ومن قال مستحيل قلت له جرب

وليكن شعارنا حديث الرسول صلي الله عليه وسلم
المؤمن القوي خير وأحب إلي الله من المؤمن الضعيف وفي كلا خير
احرص علي ما ينفعك واستعن بالله ولا تعجز ولا تقل لو أني فعلت كذا وكذا لكان كذا ولكن قل قدر الله وما شاء فعل
أنا افهم الحديث علي ان المؤمن القوة هنا ليس القوي بجسده فالقوة الجسدية منة من عند الله
ولكن القوي بما لدية من أفكار القوي بمعرفته لمهاراته واكتشاف بصمته في الحياة
والمؤمن الضعيف ضعيف لأنه لم يكتشف بصمه في الحياة
وفي كلا خير أي و لكلا بصمته
ولنستمع لوصيه الرسول صلي الله عليه وسلم ولنستعن بالله ولا نندم علي ما فتانا ولنعزم علي استغلال القادم بأفضل ما لدينا.

ولو كنا زي
Sharm Sendbad ابو جلال المصري
نتمنى ان يطبق المثال على الامة العربية

فلنعلم ان أيامنا الحلوة
بالتعاون ... عشان نرتاح ونريح
لو كل واحد بقى لوحده الكل هيتعب

لازم نفكر بكلام
Safa7-karmooz
Semsem
عشان نقدر نحل مشكلانا
لازم نتعاون مع بعض ونعرف إمكانياتنا كويس ونستغلها أفضل استغلال

لازم نعرف ان
ياسر سليم كان عنده حق لما قال
أيد لوحدها ما تسقفش

وكمان حراس الحقيقة لما قالت
لان كل بلد فيها حاجه بتميزها على غيرها وفى نفس الوقت محاجه غيرها
عشان يبقوا ايد واحده ويواجهوا عدونا

ونقدر كلام
Dr cool
كل واحد لوحده ميقدرش يقاومه لأنه معندوش كل المقومات اللي تخليه يقاومهلكن لو جمعتا إمكانياتنا نقدر نقاوم
فالاجتماع علي مصلحة مشتركة والاتحاد من أجل تحقيقهاأو الاجتماع علي عدو مشترك و اتحدوا في مواجهته
شي يستحق الاهتمام وبذل الجهد والعطاء

وعلي رائي
mo'men mohamed
لأن الموضوع كبير ويحتمل أفكار كتيرة جدافلابد من ادرك أثر التعاون فلا تاخذنا الذاتية والسعي الي الكمال
ض
/خالد
في التأني السلامة وفي العجلة الندامة

ولو فكرنا في كلام امام الجيل
ولو كل واحد فينا قدم الى عنده حتى ولو كان قليل ممكن يفيد الآخرين وهو كمان يستفاد مهما قلت بضاعته فهي مفيدة ومهمة واذا كل واحد عاش لنفسه فقط هيموت

لازم كلنا نقول
بحب الحق
فلو كل البشر ماشيين فى الطريق
ولو من غير ما نتقابل
مش هنتوه مدام من البداية فتشنا ع النوايا
واقتضينا بجيل الصحابه
اللي اكيد راح نقبله
في الجنه ها نقبله

وبكدا نوصل لرؤية
ملك
ونحقق اهدافنا المنشودة
اكرر
أن لم تزد للحياة شىء فأنت زائد عليها
فكر .. قرر .. أكتشف قدراتك.. وبها تحرر

الباب الأخير


تأخذني أفكاري إلي تلك الأماكن الجميلة

وتأخذني الأماكن إلي
تلك الذكريات
وتلك الكلمات
وتلك الأيام البعيدة
لتفسرها وتحللها

مالها هكذا أصبحت اليوم قاسية
ياااه
أهكذا تتحول المواقف الجميلة لتصبح قبيحة قاسية

هكذا تفسر الأشياء أشياء ... وتشابه الكلمات كلمات
وتتجمع الأفكار كلها براسي ... لتفسر المواقف القريبة البعيدة
ويكرر الشريط نفسه أمام عينياه

وأقول في صمت يصرخ فيه صوتا يدوي بداخلي
كيف كان هكذا
صادق في كذبه ... بريء في خيانته
أمن في غدره ... هادي في شراسته؟
وأحتار
أكان هاوي الخيانة أم الخيانة هي شخصيته
فظيع

أنا لا ابكي عليه ولكن ابكي علي حبي
علي أيامي ... علي ذكرياتي
شوهها
...
كفي يا دموع
فلا توجد كلمات غير كلماتي لتداوي
جرحي وتنهي الحكاية

نعم هو بدأ الحكاية
فكر ومكر وتلاعب ودبر وهكذا خطط لكل الحكاية
ولكنه نسي أنني الأقلام التي سخرت لكتابة الحكاية
ويدونها لم تكتمل

فأقلامي الان بيدي
لأكتب نهاية تليق بعيون أطفالي البريئة
فلن أداوي خداعه بخداع
ولن أدخل معه سجن النفاق
ولن أضع له السم في الشراب
فلن ألوث قلبي النقي الطاهر
ولن تلوث بصمات خيانته لي حياتي

فسأتركه
سأتركه يعيش للخيانة
ويكفي أن لا يعذبه فراقي
لكي لا أقول كان يهوي حياتي

وسأقفل بيدي الباب الأخير

مهلا!!! لكلا منا بصمه

قالوا
قولي وسأنسي... أرني ربما أتذكر... أشركني وسأبدع
ويقول علي بن أبي طالب رضي الله عنه نحن مجتمع المنتجين المنتقين حقا
>>>
واشعر انه كان يقصد بالإنتاج هنا المنتجات الفكرية
فهي أهم المنتجات بل أن أصل أي منتج فكرة
وأصل أي فكرة الإيمان بها

وهنا لي واقفة مع الأيمان والإبداع في التطبيق
فالله جل وعلا أتاح لنا حرية التطبيق حيث أن عقيدتنا ممتد من القران
والقران لما نزل نزلت معه حرية التطبيق
فكان في وسع الله أن ينزل القران ومعه شرح لكل كلمة فيه سوء بحديث قدسي أو حديث شريف أو حتى ينزل معه كتاب يفسره بأسهل الأساليب وأبسطها حتى يرجع إليه كل من يريد أن يعلم أي شي عن القران
ولكن هذا لم يحدث

فلم ينزل معه شرح لكل كلمة فيه ولم يترك أيضا بالكلية دون أي تفسير
>>>
ولكن جعل في الإسلام
التأصيل رباني ... والتفصيل إنساني ... والتطبيق ميداني
فالإسلام يجمع المسلمون في أصوله ولكن يترك كلا لتطبيقه بما يناسب روحه وأفكاره وخبراته وتجاربه بالحياة
والأصول بالإسلام حسمها الله فلا خلاف عليها
أما الفروع فقد يكون هناك خلاف عليها وهذا شي أراده الله

ولذلك يبني الإنسان وجهة نظره متبني رأي أعجبه أو يمزج بين بعض ولكي يبني الإنسان رأي عن هذه الأمور فلابد عليه أن يسمع الآراء المختلفة بمختلف الاتجاهات
لكي يبني نقد _سلبا و إيجابا_ لكل ما يسمع
فانا استمع إلي دعاه قد يكونوا مختلفين فكريا فيما بينهم
مختلفون في الفروع ولكنهم متفقون علي شيئا يجعلهم متميزون
متفقون علي الإسلام لله

فالإسلام دين أتاح للمؤمن أن يترك بصمته
فقال الحبيب محمد صلي الله عليه وسلم:- من سن سنه حسنه فله أجرها واجر كل من تبعها إلي يوم القيمة
فعمر بن الخطاب رضي الله عنه مثلا لذلك فهو رضي الله عنه سمع كلام الله فتعلق به وعقله وتدبره وحمله في قلبه وعقله ومشاعر وإحساسه وافكارة وطبقه ببصمته المتميزة في الحياة
فصارعمر بن الخطاب
/
وهناك من حاربوا الإبداع وفشلوا ... لأن الإبداع من سنن الله في الكون
ولكم جاليليو مثلا في كتابه (عالمين آراء حول العالم) قال فيه إن الأرض تدور وتتحرك وليست جامدة
فحاربته الكنيسة لأن الكتاب يتعارض مع أقوال وآراء الكنيسة والكتاب المقدس ومعنى ذلك أن الكنيسة أخطأت وهذا لا يتفق مع المكانة الدينية لها فأعدموا جاليليو لأنه أتي بفكرة جديدة
أما ديننا يتقبل الجديد في العلوم، السياسة، الفن وفي كل مجالات الحياة
بل هناك من الدلائل والآيات والمعجزات ما يدعونا للبحث عن الجديد ويبصرنا لها وهذا هو الإعجاز العلمي للقران

اااااه لو يعقل حكامنا أن الله اتاح لنا حرية التعبير والتطبيق
واااه واااه لو عقلنا نحن أن لكلا بصمته
كون بصمتك
فديننا يتقبل الجديد
في كل مجالات الحياة

تاثير يدفعك للتغيير

إقرا
باسم ربك الذي خلق


أنت اليوم حيت أوصلتك أفكارك وستكون غدا حيث تاخذك أفكارك
<<<

أقتنع أن الأنسان نتيجه لأفكاره
وان أفكار الأنسان تتعمق وتترسخ بالنقاش
لذلك دونت

دونت لأتناقش حول أرئي وأفكاري بالحياة لأؤثر فيكم وأتاثر بكم
فمن الكلمات والأفكار والمدونات ما أثر في وغير من رؤيتي
فهناك تاثير يدفعك للتغيير

<<< ولهذا
فالتدوين بالنسبة لي وسيلة لأجدد أفكاري
فالأمس ليس إلا حلم ... والغد ليس سوي رؤية
واليوم هو ما يجعل الأمس حلما جميل والغد رؤية أمل

...