موجبات

كنت بكتب كلام عن نفسي
فلاقتني بكتب كلام ينفع يبقي بوست
وان كان
بوست
خاص كل الخصوصية
ولكنه
عام عموم المشاع
كتبت عن
:-


1
موجبات السعادة
"الحاجات اللي بتخليني سعيدة"
لما اشوف حد بحبه مبسوط
لما ابقي مع حد بحبه
لما اروح مكان بحبه
لما اسمع حاجه بحب اسمعها
لما اعمل حاجة بحب اعملها
ولما اتعلم حاجه كنت عايزه اتعلمها
لما اقرأ كلام يأثر فيا
او اتشد لفكرة تاثرني
واعيش الايمان بيا
ولما الايمان دا يحول الفكرة لواقع ملموس في حياتي
واما اعمل حاجه وتعجب ست سالي هانم
لما اللون السماوي يملا حياتي
..
لما اشرب براونز مع براوني
لما سلمي تقولي ما يالا نتقابل
لما ميرا تنبعتلي ميل
ولما تقولي بحبك اد الجنة
لما اسمع التون بتاعت ميس هناء بترن علي موبايلي
لما اغلف هدايا مشترياها لحد بحبه
لما شيري تفضل تحلل في شخصيتي وموقفي
لما فاطمة تقعد تقولي حاجه لسه سمعاها
لما سهير تقولي يا سالولتي
ولما منه تحن عليا وتتصل ترغي معايا شوية
..
لما اشتري لزوزي حاجه عيزاها
لما اشوف مها مبسوطة
لما عيون رحاب تضحك
ولما ماما تدلعني وتعملي سندوتشات الصبح
او لما اعملها حاجه وتعجبها
وياسلام بقي لو تقولي شكرا
..
وطبعا
لما اسمع دعاء الشيخ الشعراوي يصوته الدافي الصادق العميق

2
وعن موجبات الحزن
"الحاجات اللي بتنكد عليا"
زي
لما العيد الصغير يجي
-والعيد موجبات حزن عندي
_
عشان بابا توفي 3 شوال
مع اني كتير بعمل مجهود عشان ابقي سعيدة في العيد
اصل
الرباطات اللي احنا بنعملها هي اللي ممكن تخلينا مبسوطين او لا
بس انا لا انكر ان 3 شوال السنه دي كان مميز
_

لما ابقي عايزه اعمل حاجه بكل كياني
بس
مينفعش

لما افتكر حد بحبه مش عارفه اتواصل معاه
عشان مبقاش ينفع

ولما ابقي بعمل حاجه من غير نفس

لما حد بحبه
يشرر عليا
ويبقي اداءه سيء
ومترهل كمان

لما حد بحبه يوجعني

لما احس ان الوقت متحكم فينا
وان الاماكن بتقيدنا
وان الحدود اكبر من ان تخترق

لما اقرأ الاخبار في اغلب الاحوال


لما ازعل مني
لما احس اني مش عارفه
انتصر علي سالي قدام سالي
ولما اخاصمني
اووووووووووف


3
اما عن موجبات الفتنة
لما الصحبة تبقي فاسدة

لما
تخسر نفسك عشان تكسب الناس

لما حد بحبه يبقي بيعمل كل اللي في وسعه
عشان يطلع اسوأ ما عنده

او تبقي مستعد تتنازل عن اساسيات عندك
او تتلاشي كل الاهميات
وكل القناعات
وعادي

لما يسقط القناع

لما ابقي بتكلم في بوست عن حاله معينة
وصاحب الحاله نفسه ميبقاش واخد باله
ويعدي علي الجملة دي برضو وميخدش باله
انه مش بياخد باله


لما ثقة اتبنت في ايام كتير
وسنين
تتهدم في موقف
كَالَّتِي نَقَضَتْ غَزْلَهَا مِنْ بَعْدِ قُوَّةٍ

لما اناس تجرم افعال الناس
اكتر ما بتجرم افعالها

لما الطيبه
تبقي كلمة الطيبين
مش بيحبوها ومش بيحبوه يتوصفه بيها

لما تبقي بتشتغل في مكان مفهوش حاجه عدله
غير
أمل
...................................................

عموما
أنا ديما بقول
الحياه دي عمله زي السما
ولا هي لبني صافي يخطف القلب ديما
ولا هي ديما مغيمه
بس فيا لما تغيم
_بموجبات الحزن والفتنه_
افتكر انها هترجع تصفي تاني
_بموجبات السعادة_
ولما تصفي
_بموجبات السعادة_
استعين بيهم
واعمل حساب الغيم اللي ممكن يجي
.....................................................
ها
عندي حق
هو
فعلا
خاص كل الخصوصية
ولكنه
عام عموم المشاع
؟!

10 comments:

فاتيما said...

يا عييييييييينى

لأ عندك حق

البوست خاص مشاع بجد


تعرفى ؟
لو سألتينى
عن موجبات فرحى و حزنى و فتنتى
دى عاوزة مدونة لوحدها
تقريبا روح قلب ماما بكل تدويناتها
الماضية و الآتية



موجباتك كلها
تقريباً
موجباتنا
احنا كمان


معرفش ليه
موجبات الحزن
وجعتنى
رغم انك حاولتى تعدى عليها بسرعة
ال يعنى مش هناخد بالنا



موجبات الفرحة
لو حبيت اختصرها
هقول انها بتوصفك كبنى آدمة
حقيقية بتحمد ربها بجد
انتى بتفرحى بأبسط الأشياء
و الأشخاص
و فرحتك بيهم شكر خافت منك لله
على نعمة وجودهم
و عاوة اقولك ان ممكن حد يبقى حواليه كل هذا الجمال دون أن يلتفت سوى لما ينقصه و يقعد يشتكى
و انتى الحمدلله ...مش من هولاء
الف حمد و شكر


اما موجبات الفتنة
فيخربيت كدا
كل سطر فيها
عاوزله بوست لوحده

وخصوصا آخر سطر بقى
اللى فيه نقؤزة على الامل
و تلقيح كلام و كدا
و محاولة للأذلال العلنى

و انا فرحانة جداااااااا
بالحكاية دى
قوليلى ليه؟

اقولك


عشان ربنا لما بيجمع الناس
مبيبقاش حاجة كدا صدفة
و انا من اول اسبوع عرفتك
كنت متأكدة انك
لن تمرى ف حياتى
مرور كرام ..
او عابرى سبيل

عموما الحكاية
لازم يتبصلها كدا ا
ودا وصلتله يا عزيزتى
بحكم انى متعتى الحقيقية
الفرجة ع الدنيا و الناس
و الأستمتاع بوجودهم
ف حيز حياتى اكبر قدر
ممكن

منا مش هتغم طول الوقت
بالوحشين و بس ؟!!
لازم اخد نصيبى م الفرح بقى

و مش هاخده
غير بالأنغماس وسط الدنيا
اكتر ..
مش البعد عنها


اتمنى يكون احساسك
تجاهى مماثل
او حتى اقل يا ستى
احنا قابلين


و لو ان جملتك
ف آخر موجبات الفتنة
شهادة ف حقى مش مريحانى
لأ بهزر
دى شهادة ف منتهى الرقة


القصد


ربنا يكتر من
موجبات - 1

و يخفف من وقع
موجبات - 2

و يقويكى دايما على
موجبات - 3



و الموكف دلوقتى
يوجب عليا
انى اقولك
انى بحبك خالث يا شقاوة


ملحوسة على جنب
كلمة الاداء (المترهل) دى
حقوق ملكيتها الفكرية لسيادتى
بس هتنازل عنها طواعية
عشان انتى كمان خلتينى
استخدم جملتك بتاعة
اداء سيىء
بمنتهى الشياكة و عادى
فخلاص قشطة
نبقى خالصين

سلام
يا شقاااااااوة

Brownie said...

أنا بحبك لما تكونى مبسوطة
ولما ترغى كتير و فجأه تسكوتى عشان أفتكرتى انى لازم أتكلم
وبحب لما أكون مكتأبه وأكلمك أو أشوفك
وأحب لما أخذ رأيك فى حاجة وتدينى الرأى التمام
وبحب لما تقتنعى بكلامى
وبحب لما نتشارك
وبحبك فى شهر عيد ميلادى

وبزعل من أى حاجة تزعلك أو تضاييقك

I love the post gedan my sweet Whitee...7elw awi begad

my24434 said...

خطيبتي العزيزة

بوست رائع
عاجبني جدا بجد

بالنسبة لموجبات السعادة

يا رب تكتر ويزيد وربنا يبارك فيها

وربنا يبعد عنك موجبات الحزن

ويجنبك موجبات الفتنة



عندي بس تعليق
ان الانسان بيقدر يجتذب ليه موجبات السعادة او الحزن او الفتنة


وبايده كمان يبعدهم عنه


فاكره
the secret
؟
كان بيتكلم في ده الى حد ما

عموما
لينا كلام ان شاء الله في النقطة دي

Sally said...

لاءه
مش مصدقة
محمد علي مدونتي
وبيكتبلي
خطيبتي العزيزة
وش كدا
لا لا مش قادره اصدق
..
ماي
كلامي ليك خاص كل الخصوصية
ومينفعش يبقي عام عموم المشاع
بس عارف
اوووووووووووي التعليق دا مخليني سعيدة اوووي ولما شوفته كان مفاجأة ليا D:
..

وطبعا متفقة معاك ان الانسان بيقدر يجتذب ليه من موجبات السعادة او الحزن او الفتنة .. اصلا فكرت احط صوره البوست مغناطيس كتدعيم لمعني موجب الجذب
attraction .. واصل احنا نفسنا موجبات >> قناعتنا افكارنا اختيارتنا كل حاجة بتوجب جذب حاجة
..

Sally said...

فاتيما يا مدلعاني
حتي لو كان ادائك مترهل
فهعمل ايه
الأرواح جنود مجندة ما تعرف منها ائتلف وما تناكر منها اختلف
..

يارب يا فاتيما تاخدي نصيبك من الفرح واكتر .. وييسرلك كل موجبات السعادة ويبعد عنك كل موجبات الحزن والفتنة.. يا امل انت يا جميل

وبلسان يوسف الجميل
عشان حقوق الملكية بقي
بقول
انى بحبك خالث يا شقاوة
:]

Sally said...

براونتي الحلوة
بتعلق بالعربي
:]
دا بوست الدلع العلني بقي
..
براونتي
انا برغي كتير انا
ماشي .. الله يسامحك
احنا في 9 وانا مقدرش افتح بقي

لكن بحبك في شهر عيد ميلادي دي ميتسكتش عليها>> طب ال 11 شهر الباقين راحوا فين
وايتي يا وايتي.. ركزي دا 9 .. 9 معلشي
احم
اكيد دا معناه انك بتسترسي حاجه بس وطبعا انتي بتحبيني بردو ال12 شهر كلهم
انا عرفه انك مش قصدك ابدا
:: شايفة الطيبة >> ولا اطيب ::

يا براوني
البوست حلو عشان البراونز طعمها حلو لدرجة اني لما بتكلم عنها بتحلي احساسي
سلنترو براونز مش بينوس :]
لا لا في9 كل البراونز حلوه
ومستعده اكل بينوس براونز كمان وانا مبسوطة واخلصها

مش بقولك >> ولا اطيب ::

ٍسلمى عبد العزيز said...

السلام عليكم ورحمة الله وبركاته

سالي ازيكي

واضح من البوست ان بقى في مجموعة من الحيتان مش اتنين بس

المهم

لازم ما ننساش موجبات الرضا
واللي بتخلينا احنا اللي بنحدد مواقفنا و تقبلنا لمواقف الاخرين من ضمن موجبات السعادة ولا من موجبات الحزن

لازم نعرف ان في فالحياة مسلمات لازم بس نرضى بيها لان كل اللي بيجيبوا ربنا كويس وممكن يبقى سعيد لو احنا خليناه سعيد

يلا كفاية عليا فلسفة بقى كده انا مش قدك

اسفة على التاخير في التعليق

يلا سلام
سلمى

Sally said...

وعليكم السلام ورحمة الله وبركاته
اهلا يا سلمتي

تصدقي مش عارفه ارد عليكي
حاسه اني مش فاهمة ردك اوووي
التليفون يجمعنا بقي

وعلي فكره
متاخرتيش في الرد ولا حاجه
انتي مش بتتاخري يا سلمتي
ولو اتاختري
فمن اللي عليا
ولا يهمك
:]

SERENITY8 said...

i Can't really comment or say any thing after the beautiful words i witnessed above..
all i can say is: i really wish your happiness incentives becomes more than ever and fulfill all ur life.
and isA for the sorrow and fitna ones to disappear forever :)

.Have a happy life, u deserve it. :)

Sally said...

Tarek,
This beautiful words is your!
4U thanks 4being Mr/Tarek
it's was one of "mogebat el-sa3ada" to me :D