الدانا البراونية



شوفت مشهد من فيلم تيتو
اثر فيا قوي


المشهد دا 


اللي في حنان ترك بتقول
لعمرو واكد 
اسيبك مع صحبك طاهر
اللي هو تيتو
فقاله
هو انت بجد اسمك طاهر
قاله اه
بس مجتش فرصه اقولك
!!!

كان جدا في بالي
ازاي مجاش في باله يساله
 علي اسمه الحقيقي
ازاي مخدش باله من دا
؟!

.......

انا مخدتش بالي من حاجة مهمه كدا برضو
مستغبياني اوووووووووي
ازاي مخدتش بالي
؟!
دا ايه بي سي يعني
رغم اني عارفه انك فعلا مش زعلانة
بس انا لسه محتاجه اعتزر
ومحتاجة اوووووووووي كمان

انا مش هتكلم عن الموقف 
مش هقول ان انتي اللي جيتي تعاتبيني من نفسك
وتقوليلي ان انا عملت لك كذا
وانك عايزه تقوليلي
وبمجرد ما هتقوليلي هتبقي مسامحاني
ياااااااااااا
علي اد ما انا استغبيت نفسي
وعلي اد ما الموقف كان صعب اوووووووووي
بس
كنت مبسوطة بيكي اوووووووووي


جايه لي وبتقولي لي اللي مزعلك
ومسمحلني عليا كمان
من قبل ما اعتزر

امممممممم
مش هتكلم علي الموقف قولت
انا هتكلم عنك انت
عايزه اكتب عنك انتي 
وعارفه اني مش هعرف
بس خليني احاول
لاني جدا عايزه اعمل دا
...........

كالدانات هي
لؤلؤة نادرة بين صخرتين
نادرة 
متفردة 
من وجدها وجد كنز من كنوز الارض
صعب التنازل عنها

هي الصحبة الصالحة
المعينة
منها دائما التدعيم
المساندة
الاحتواء
التقبل
المشاركة

انا ممتنة
لصداقتك
لمشاركتك


لالتحام اوقاتنا


ل لمساتك الرقيقة
لكل يوم كلمتيني في الصبح 
عشان تقوليلي صباح الفلة
لمساجاتك
ولاحساسك بيا


شكرا
علي كل الافكار السلبية
 اللي انتي غيرتيها لي 
وكل الافكار والمشاعر الجميلة 
اللي انتي السبب في وجودها

احبك علي غير ارحم بيننا
يا دانتي البراونية
وان كان لكل امرؤ من اسمه نصيب 
ف
هي ال
صفاء
.................

عارفه اني مش عارفة
 اكتب لك بوست يعبر كويس عن امتناني ليكي
عن امتناني لربنا انك صحبتي

عارفة يا براوني
انتي خلتيني
ممتنة بصورة مستقبلية كمان
انا ممتنة
لتعليقك علي البوست دا
علي انك هتقوليلي 
انك اصلا نسيتي الموقف دا
وان انتي اللي ممتنه لوجودي

بس الحقيقي اوي يا براوني 
ان امتنانك
يستحق الامتنان



موجبات

كنت بكتب كلام عن نفسي
فلاقتني بكتب كلام ينفع يبقي بوست
وان كان
بوست
خاص كل الخصوصية
ولكنه
عام عموم المشاع
كتبت عن
:-


1
موجبات السعادة
"الحاجات اللي بتخليني سعيدة"
لما اشوف حد بحبه مبسوط
لما ابقي مع حد بحبه
لما اروح مكان بحبه
لما اسمع حاجه بحب اسمعها
لما اعمل حاجة بحب اعملها
ولما اتعلم حاجه كنت عايزه اتعلمها
لما اقرأ كلام يأثر فيا
او اتشد لفكرة تاثرني
واعيش الايمان بيا
ولما الايمان دا يحول الفكرة لواقع ملموس في حياتي
واما اعمل حاجه وتعجب ست سالي هانم
لما اللون السماوي يملا حياتي
..
لما اشرب براونز مع براوني
لما سلمي تقولي ما يالا نتقابل
لما ميرا تنبعتلي ميل
ولما تقولي بحبك اد الجنة
لما اسمع التون بتاعت ميس هناء بترن علي موبايلي
لما اغلف هدايا مشترياها لحد بحبه
لما شيري تفضل تحلل في شخصيتي وموقفي
لما فاطمة تقعد تقولي حاجه لسه سمعاها
لما سهير تقولي يا سالولتي
ولما منه تحن عليا وتتصل ترغي معايا شوية
..
لما اشتري لزوزي حاجه عيزاها
لما اشوف مها مبسوطة
لما عيون رحاب تضحك
ولما ماما تدلعني وتعملي سندوتشات الصبح
او لما اعملها حاجه وتعجبها
وياسلام بقي لو تقولي شكرا
..
وطبعا
لما اسمع دعاء الشيخ الشعراوي يصوته الدافي الصادق العميق

2
وعن موجبات الحزن
"الحاجات اللي بتنكد عليا"
زي
لما العيد الصغير يجي
-والعيد موجبات حزن عندي
_
عشان بابا توفي 3 شوال
مع اني كتير بعمل مجهود عشان ابقي سعيدة في العيد
اصل
الرباطات اللي احنا بنعملها هي اللي ممكن تخلينا مبسوطين او لا
بس انا لا انكر ان 3 شوال السنه دي كان مميز
_

لما ابقي عايزه اعمل حاجه بكل كياني
بس
مينفعش

لما افتكر حد بحبه مش عارفه اتواصل معاه
عشان مبقاش ينفع

ولما ابقي بعمل حاجه من غير نفس

لما حد بحبه
يشرر عليا
ويبقي اداءه سيء
ومترهل كمان

لما حد بحبه يوجعني

لما احس ان الوقت متحكم فينا
وان الاماكن بتقيدنا
وان الحدود اكبر من ان تخترق

لما اقرأ الاخبار في اغلب الاحوال


لما ازعل مني
لما احس اني مش عارفه
انتصر علي سالي قدام سالي
ولما اخاصمني
اووووووووووف


3
اما عن موجبات الفتنة
لما الصحبة تبقي فاسدة

لما
تخسر نفسك عشان تكسب الناس

لما حد بحبه يبقي بيعمل كل اللي في وسعه
عشان يطلع اسوأ ما عنده

او تبقي مستعد تتنازل عن اساسيات عندك
او تتلاشي كل الاهميات
وكل القناعات
وعادي

لما يسقط القناع

لما ابقي بتكلم في بوست عن حاله معينة
وصاحب الحاله نفسه ميبقاش واخد باله
ويعدي علي الجملة دي برضو وميخدش باله
انه مش بياخد باله


لما ثقة اتبنت في ايام كتير
وسنين
تتهدم في موقف
كَالَّتِي نَقَضَتْ غَزْلَهَا مِنْ بَعْدِ قُوَّةٍ

لما اناس تجرم افعال الناس
اكتر ما بتجرم افعالها

لما الطيبه
تبقي كلمة الطيبين
مش بيحبوها ومش بيحبوه يتوصفه بيها

لما تبقي بتشتغل في مكان مفهوش حاجه عدله
غير
أمل
...................................................

عموما
أنا ديما بقول
الحياه دي عمله زي السما
ولا هي لبني صافي يخطف القلب ديما
ولا هي ديما مغيمه
بس فيا لما تغيم
_بموجبات الحزن والفتنه_
افتكر انها هترجع تصفي تاني
_بموجبات السعادة_
ولما تصفي
_بموجبات السعادة_
استعين بيهم
واعمل حساب الغيم اللي ممكن يجي
.....................................................
ها
عندي حق
هو
فعلا
خاص كل الخصوصية
ولكنه
عام عموم المشاع
؟!

اطلع بره دماغي



عايزه اصفي ذهني

عندي كلام كتير دوشلي دماغي

وعايزه اكتبه

عشان أقولّه

اطلع بره دماغي

بره

...

عشان كدا بفكر اكتب بوست

بس محتاره اكتب ايه

؟!

.....................................................................

يا تري اكتب

1-

ذهب العمر ولم اذهب معه

واقفة انا عند لحظة فراقك

عند حضن حدث في مخيلتي فاهتز له كياني

وفتخيلت موت كل لحظاتي التالية

فقط لتتوقف احداث حياتي في حضنه

.................................................................................................

ولاّ اكتب

2-

تخيلت لقائك مرارا

تجهزت في كل مرة ذهبت فيها الي تلك الاماكن التي اعتقدت رؤياك فيها

وفي كل مرة تلفت حولي كي لا اجدك

إلا في اعمق اغوار قلبي

,,

مرت الايام

ولم اتناسي امنيتي

وفوجئت بك امامي

قادمة متعمدة اللقاء

,,

ولكني صدقا اشعر

عدم الرغبة في لقائك

..

تراني خدعت نفسي

ام خدعتني امنيتي فيكي

؟!

.................................................................................................

ولاّ اكتب

3-

انا ليه بحرر نفسي وانا بقيدها

بقرب لها وانا ببعدها

بعمل لها وانا عليها

بفكر لها وانا واقفه هناك ضدها

.................................................................................................

ولاّ اكتب

4-

استمعي الي لحن قلبك جيدا

غني مع ايقاعاته

ولا تدع احد يعيد صياغة كلماته

,,

فحتي لو صفق لك الجميع

فربما افتقادك لتصفيق يدك

يفقدك احساسك بالسعادة

,,

استمتعي بلحن قلبك

حتي ان كانت سعادتك في موسيقي الصمت

.................................................................................................

ولاّ اكتب

5-

حينما يكون هناك طرف واحد راضي والاخر متقبل

طرف واحد يبذل من اجل العطاء كما يبذل من اجل البذل

طرف واحد يرغب دوما في الاستمرار

لما بيجي يمشي بقي

مبيقولش

انك ايها الاخر

هتندم في يوم علي دا وهتقول يارتني كنت فضلت

وياريتني كنت اتنازلت شوية عن غروري

هو بيقول

اطلع بره حياتى

.................................................................................................

ولاّ اكتب

6-

التجربة تنتهي ويتبقي منها ما تحملة من معاني

وان كان خوض تجارب الحياة هو ما يشكل شخصيتنا

فساخوض تجارب حياتي بكل ما تحمله شخصيتي من سمات

...............................................................................................

ولاّ اكتب

7-

كلام سواق التاكسي عن حادثة المعراج

اللي كان اروع من كلام خطيب الجمعة

لما قال

انقلب بصره في بصيرته فرأي الذي ليس كمثله شيء

...............................................................................................

ولاّ اكتب ايه ولاّ ايه ولاّ ايه

عموما

انا هكتب لكم

رمضان كريم



وكل سنة وانتم طائعين

واطلع انا بره البوست خالص بقي



التصحيح اللغوي لفاتيما

ولك انت .. اه .. اه اوي