اطلع بره دماغي



عايزه اصفي ذهني

عندي كلام كتير دوشلي دماغي

وعايزه اكتبه

عشان أقولّه

اطلع بره دماغي

بره

...

عشان كدا بفكر اكتب بوست

بس محتاره اكتب ايه

؟!

.....................................................................

يا تري اكتب

1-

ذهب العمر ولم اذهب معه

واقفة انا عند لحظة فراقك

عند حضن حدث في مخيلتي فاهتز له كياني

وفتخيلت موت كل لحظاتي التالية

فقط لتتوقف احداث حياتي في حضنه

.................................................................................................

ولاّ اكتب

2-

تخيلت لقائك مرارا

تجهزت في كل مرة ذهبت فيها الي تلك الاماكن التي اعتقدت رؤياك فيها

وفي كل مرة تلفت حولي كي لا اجدك

إلا في اعمق اغوار قلبي

,,

مرت الايام

ولم اتناسي امنيتي

وفوجئت بك امامي

قادمة متعمدة اللقاء

,,

ولكني صدقا اشعر

عدم الرغبة في لقائك

..

تراني خدعت نفسي

ام خدعتني امنيتي فيكي

؟!

.................................................................................................

ولاّ اكتب

3-

انا ليه بحرر نفسي وانا بقيدها

بقرب لها وانا ببعدها

بعمل لها وانا عليها

بفكر لها وانا واقفه هناك ضدها

.................................................................................................

ولاّ اكتب

4-

استمعي الي لحن قلبك جيدا

غني مع ايقاعاته

ولا تدع احد يعيد صياغة كلماته

,,

فحتي لو صفق لك الجميع

فربما افتقادك لتصفيق يدك

يفقدك احساسك بالسعادة

,,

استمتعي بلحن قلبك

حتي ان كانت سعادتك في موسيقي الصمت

.................................................................................................

ولاّ اكتب

5-

حينما يكون هناك طرف واحد راضي والاخر متقبل

طرف واحد يبذل من اجل العطاء كما يبذل من اجل البذل

طرف واحد يرغب دوما في الاستمرار

لما بيجي يمشي بقي

مبيقولش

انك ايها الاخر

هتندم في يوم علي دا وهتقول يارتني كنت فضلت

وياريتني كنت اتنازلت شوية عن غروري

هو بيقول

اطلع بره حياتى

.................................................................................................

ولاّ اكتب

6-

التجربة تنتهي ويتبقي منها ما تحملة من معاني

وان كان خوض تجارب الحياة هو ما يشكل شخصيتنا

فساخوض تجارب حياتي بكل ما تحمله شخصيتي من سمات

...............................................................................................

ولاّ اكتب

7-

كلام سواق التاكسي عن حادثة المعراج

اللي كان اروع من كلام خطيب الجمعة

لما قال

انقلب بصره في بصيرته فرأي الذي ليس كمثله شيء

...............................................................................................

ولاّ اكتب ايه ولاّ ايه ولاّ ايه

عموما

انا هكتب لكم

رمضان كريم



وكل سنة وانتم طائعين

واطلع انا بره البوست خالص بقي



التصحيح اللغوي لفاتيما

ولك انت .. اه .. اه اوي

25 comments:

my24434 said...

: )

فاتيما said...

بذمتك انتى كدا
طلعتى برا البوست برضو ؟!!
و لا دخلتينا احنا جوا معاكى ؟


اصل متهيألى كل اللى قولتيه
موجود جواكى
خرج زى سهم يطلق نحو شخص ما
و لازم هيرتد ليعود
الى قلبك من تانى


كل فقرة انكتبت
بعد كلمة (و لاّ )
كانت رسالة موجهة لحد
او عن موقف ما
قد تصله
و قد تصل
قد تمسه
او ميفهماش
و لو سقطت على ام رأسه

المهم انك طلعتي
اللى جواكى عشان الزحمة



و قبل ما اخرج انا
برا المدونة كلها
كمان هقولك رمضان كريم عليكى
و السنة الجاية نقولهالك
و انتى كما تتمنى لنفسك
و اكتر الف مرة

انتى شخص جميل يا سالى
و محترمة
بكل ما ف الكلمة من معنى
على كل الأصعدة و المستويات
محترمة ف تفكيرك
و مشاعرك باختلافها
و نظرتك للدنيا
و اهتمامك بمهنتك
و احساسك بالناس
و تصرفاتك بالتالى
الذى لا ينفصل عن كل ما سبق
و دى حاجة مش سهل تكوينها
او الحصول عليها
او حتى الإحتفاظ بيها
لأ كمان و تصديرها للآخرين ببساطة كدا مجرد ما يشوفوكى


ربنا يسعد كل ايامك
و تكونى كل سنة و انتى طائعة
يا لولى



رمضاااااان كرييييم
يا حبيبتى
۩



ملحوظة
المصحح اللغوى بتاع سيادتك هااااايل و برافو عليها
بس فاتها كلمة ..ناقصها همزة فرأى
ف الجملة دى

انقلب بصره في بصيرته ( فراي )الذي ليس كمثله


ابقوا خلوهم
يشتغلوا بذمة


دا حتى رمضان لسه مكنش ابتدى يعنى

و ملحقوش يقعدوا يقولوا
اصلى مشربتش الفيسكافيه
و مفطرتش
و الأفلامنات دى
يا ختشى !!!



بوسات و حضونات يا حبيبتى

Sally said...

ماي
تشرفنا بمرورك يافندم
:)

Sally said...

فاتيما
انا مش قدك
ولا قد كلامك دا
كتير اووي دا
...
طب واحده واحده
وبلاش كل دا
:]

وبعدين متخرجيش بره المدونه
انتي منوره المدونة
وقلب صاحبة المدونه كمان

وملكيش دعوة بالمصحح اللغوي بتاعي من فضلك .. انا ممتنه ليه كدا .. اصل البلاوي اللي شافها مش سهلة يا ستي


امل
كل سنة وانتي في قلبك امل متمسكة بيه
كل سنة وامل السنة اللي قبلها متحققلك بروعه تعجبي لها حتي تقولي
الله كريم

رمضان كريم يا ام يوسف
:]

سلمى عبد العزيز said...

الله أكرم يا سالي

مش هطول عشان اطلع بره دماغك

يلا سلام
سلمى

فاطمة جلال said...

سالى
كل سنة وانتى طيبة يا سكر بمناسبة شهر رمضان المعظم وكل عام وانتى طائعة
البوست جميل ما شاء الله
بس مش عارفة ليه حاسه فيه بلمحة حزن
واللمحة دى عميقة قوى وطالعة من جوه قوى
انا حساكى مش عايزة تطلعى الكلام ده
بره دماغك
انا حساكى زى ما يكون حاجة عايزة تطلعيها بره قلبك ونفسك
عموما يا ستى يسعدنا دائما سماع كل ما تريدى قوله .. ويارب يكون خروج الكلام ده ريحك كتير
ويارب نكون دايما جوه دماغك وما نطلعش براها ابدا
:)

Sally said...

سلمي
انتي بتهزري

لااااااااااااا
اياكي تطلعي بره دماغي

دا انتي مامي الجميلة

Sally said...

فاطمة جلال
انتي عارفه انك مش بره دماغي ولا قلبي
وكل سنة وانتي طائعة
كل سنة وانتي لله مخلصة
:]

SERENITY8 said...

Interesting... Makes you think,,, and don't ask me about what? but it's just thinking motivator..

Thank you for sharing your thoughts, w ramadan kareem, and I'm getting the Hell outta of your blog aho;. :D

mahmoud nabil said...

السلام عليكم
ازيك ياسالى
بصراحة مش عارف اقولك ايه
رووووووووووووووووعة
وبعدين عارفة انا حاسس انها مرحلة جديدة من ابداعاتك البلوجية
بمعنى انك فى البوست السابق عرفتى تخلينا نفكر وننقب عن سيناريو لقصة ممكن تتغير وتتبدل معطياتها

مع اختلاف الاوقات والاماكن والشخصيات لكن فى النهاية انتى عايزة تقولى انه مهما اختلفت السيناريوهات فالنهاية لازم نكون واحدة وهى ان نتعلم كيف نحترم مشاعر الاخرين وكيف نقدر الحب ونحافظ عليه
وده عن طريق سطر واحد ودى قمة الروعة فى العمق والمهارة فى الصياغة
اما البوست الحالى فعن جد انا عايز اقولك ان حضرتك خلتينا نتوه داخل هذا الاغداق الفكرى والاسترسال اللامحدود فى المشاعر بمعنى ان كل واحد فى اللى انت كتبتيه ينفع يكون بوست نتنافش فيه لكن بصراحة عجبنى اوى

(انا ليه بحرر نفسي وانا بقيدها
بقرب لها وانا ببعدها
بعمل لها وانا عليها
بفكر لها وانا واقفه هناك ضدها


وكمان

استمعي الي لحن قلبك جيدا
غني مع ايقاعاته
ولا تدع احد يعيد صياغة كلماته
,,
فحتي لو صفق لك الجميع
فربما افتقادك لتصفيق يدك
يفقدك احساسك بالسعادة
,,
استمتعي بلحن قلبك
حتي ان كانت سعادتك في موسيقي الصمت

ومفيش اروع من التشبيه اللى فى الفقرة دى
ذهب العمر ولم اذهب معه
واقفة انا عند لحظة فراقك
عند حضن حدث في مخيلتي فاهتز له كياني
وفتخيلت موت كل لحظاتي التالية
فقط لتتوقف احداث حياتي في حضنه



باختصار كده انا شايف يافندم ان ده اقوى بوست عملتيه لحد دلوقنى


وكفاية كده بقى


جزاكى الله خيرا ياسالى
وبارك فيكى
ويارب اشوف حضرتك دايما فى احسن حال
وربنا يباركلك فى كل ما تحبين ويتمم عليكى السعادة والنعيم ويرزقك وزوجك الرفقة مع سيد المرسلين

كريم منصور said...

مش عارف اكتب حاجه ومش عارف ارد
يمكن لان جوه دماغى حاجااااااات كتييييييييييييير وتعبان منها جدا
ويمكن لان كلامك جه على الوجيعه
ويمكن ويمكن
حاجات كتير مش عارفها
نفسى بجد اطلعها بره دماغى
نفسى اعيش ولو لفتره مافيش عليا ضغط
اتمنى اكون هايف او بارد بس مش عارف
نفسى نفسى نفسى
ومش عارف مش عارف مش عارف
مش عارف اتصرف ازاى
ومش عارف اللى انا فيه ده صح ولا غلط
ومش عارف طريقى مستقيم ولا
 مش عارف
اسالكم الدعاء
ورمضان كريم

Sally said...

Tarek
ِALLAH AKRAM

Ana ma2oltesh anak tatla3 bara el blog

anta menawarha walahy

thanks ya tarek 4 your comment

Sally said...

محمود نبيل
شكرا اوووي يا محمود
ربنا يكرمك

حلو ابداعاتك البلوجية دي
بترفع من روحي المعنوية

وبجد سوء اتفقت مع فكرة البوست
او اختلافت معاه
تظل تعليقاتك مميزة ولها طابع خاص

وكل سنة وانت طائع

Sally said...

كغيم منصوغ

عارفه انه اكيد جوه دماغك حاجات كتير يا كريم .. بس انا عارفه برضو يا كريم انك هتعرف تطلع الحاجات اللي انت عايز تطلعها بره دماغك عشان تركز اكتر في الحاجات اللي انت عايزها تبقي محور اهتماماتك .. ربنا معاك اكيد هيسرلك


فكره انك تتمني بقي انك تكون هايف او بارد دي بقي مستحيلة مينفعش ومش هتعرف .. ولو فرضنا جدالا فمش هتبقي مستريح ..
انت
!!!!!!!!!!!
مينفعش


ربنا ييسرلك الامر ويهديك لاقرب من هذا رشدا .. امين
وكل رمضان وانت طائع
:)

يا مراكبي said...

بس دول كلهم موضوع واحد
حركة الفواصل وتقسيمهم لأجزاء دي ما تخيلش عليا .. أنا مركز كويس جدا
:-)

ولو قريتيهم تاني بالشكل ده هتلاقيه ما طلعش يره دماغك أبدا
:-)

شريهان said...

اولا: وحشتينىىىىىىىىىىىىىىى كتييييييييير ووحشنى كلامك ....
ثانيا :كل سنه وانتى سالى ورمضان كريم
ثالثا : معنديش كلام أقوله غير(ربنا يهديكى الى مايحبه ويرضاه ويرزقك بما فيه الخير لكى)
رابعا : الموجه دى كانت هادية انا عايزة موجه أجمد تهزنى......

Sally said...

يا مركبي
لو انت مركزتش مين هيركز!!!

Sally said...

شريهان
انت كمان وحشتيني يا شيري
ومعلشي
طبيعة البحر
موجه هادية وموجه عاتية
:)
بس في كل الاحوال
كل سنة واحنا طائعين
وتقبل منك ومن الجميع

اقصوصه said...

رمضان كريم

وكل عام وانتم بخير :)

Brownie said...

I told u once that i dont write anything i dont feel, so that is why it take me so long to comment..
I just love it..and every piece i wanted it to be a complete story..ur writing is very nice and touches deep inside..Bravo ya Whitee...so proud of you

SHAHEENSHY...فوضى منظمة said...

جميل البوست
ابن اخويا عنده تلات سنين ..دايما يقولي شلني في دماغك .. يقصد .. اشيله على كتفي

فكرني البوست بيه بس
بوست مميز
بالتوفيق

Sally said...

you're the one who touch me always deep inside

Bravo bardo
:)

Sally said...

باشمهندس شاهينشي
شكرا اووي
ربنا يكرمك
ويحمي ابن اخوك
ويخليك ليه
و تشله في دماغك
D:

Sally said...

وانتي طيبة يا اقصوصة
وربنا يتقبل منك
تحياتي

سعودي اوتو said...

thank you

مدير موقع سعودي اوتو

There was an error in this gadget