كتيب الاستخدام

بيك
فجاه لاقيتني 
بتعرف علي نفسي من اول وجديد
وكاني مكنتش عارفاني
فجاة بتكشف قدام نفسي
 من زوايا اخري برؤي مختلفة






كأني دخلت حته في بيتنا 
عمري ما دخلتها قبل كدا
كل الحاجات اللي فيها ملكي
بس عمري ما لمستها
ولا جربت استخدمتها


رغم انها حته في أوضتي
 اللي بصحى فيها كل يوم
بس عمري ما استخدمتها قبل كدا



يمكن
كتيب الاستخدام مكنش معايا 
ويمكن معرفتش افك شفراته قبل كدا
ويمكن مفهمتش لغاته قبل كدا




واول ما اتفسر الكتيب
فجاه لاقيت اولوياتي بتختلف
فجاه لاقيتني
 مومنة بحاجات مكنتش مومنه بيها
وكافره باخري كانت جزء من معتقداتي
معتقدات جوايا تلاشت
 ومعتقدات تانية سيطرت عليه
ودا
بهدوء
وسلاسه
واقتناع



فجاه لاقيتني
مستسلمة
ب احاسيسي
وافكاري
وخيالاتي
ووجداني
وبكياني كله






مستسلمة
ومستمتعه بالاستسلام
عاشقة 
للرايا البيضاء
 برفعها 
بفرحة
الفستان الابيض

There was an error in this gadget