حاتم


شاب في البكالوريوس، عمره 21 سنه، حيوي لأبعد الحدود، بيحب الخروج ودمه خفيف جدا، محبوب من قريبه وجيرانه وعنده اصحاب كتير، علاقة بربنا عاديه يعني زي شباب كتير غيره
وفجاه ومن غير معاد سابق، كان أهم معاد في حياته معاد مع السرطان
معروف انه مرض خبيث لكن في حالته دي كان فريد من نوعه لان فصيلة دم حاتم فصيلة نادرة
\
وبدا الشخص الحيوي يبقي مفروض عليه قيود المرض اللعين، وعلي الرغم من حالته الصحية كان مستقبل المرض كأنه برد جاي وهيروح وكانت نفسيته عالية جدا لدرجة أني لما كنت بقوله سلمتك كان بقولي الحمد لله أنا أحسن من غيري كتير، وكان بيبقي نفسي أقوله كفاية عليك الكيماوي ومدي الألم اللي بتحس بيه بعد كل جرعه.
مره كنت عايره أضحكه، فقولت له قول من ذنبي فأعفر لي، قالي أنتي بتهزري أنا فعلا مقتنع إن ربنا بيغفر لي ذنوبي، قولتله ياه هي ذنوبك كتير أوي كده، قالي أكيد خلصت خلاص الحمد لله
\
وفي أخر جرعه ليه، وحقيقي كانت أصعب جرعه، أتغيير إحساسه بان المرض مجرد برد جاي وهيروح، كان ببقول لمامته أنا حاسس إن الجرعة دي مش هتعدي، ومكدبش إحساسه، قبل ما الجرعة تخلص توفي.
بس سبحان الله قبل ما يتوفى نام، ولما صحته امه قالها هاما أنا شايف تفاح حلو أوي، قالتله حبيبي التفاح جوه هجيبلك، قالها لا مش عايز من تفاحكم ...
وابتدأ يقرا سوره يس، وبعدها نطق الشهادة، وخافت امه عليه أوي لأنه كان تعبان لدرجه انه بيصرخ بالشهادة، ونادت الدكتور وهي بتقول ألحقوني ابني هيضيع مني، وأتنقل حاتم للعناية المركزة، وفارق الحياة
\
يا اد ايه ربنا بيحبو، ميت متشاهد، قارئ سورة يس، ليلة الجمعة 15 رمضان 1425 ... نحسبك انتقلت إلي الله بقلب سليم قال الله تعالي إنما يوفي الصابرون أجورهم بغير حساب، وخلصت الحكاية لان صاحبها زفت إلي الجنة إن شاء الله.
...................................................

لما حاتم مات كنت أول مره اسمع كلمه مات وأفكر فيها
يمكن لأنه كان صغير، ويمكن لأني مكنتش أتوقع وفاته
كانت دايما كلمه مات دي بتعدي عليا عادي مبتفرقش يعني
لكن دالوقتي كلمه مات دي بتهزني أوي
ديما بتخيل أني ممكن أكون مكان الشخص دا مهو في ناس قي سني ماتت
ودا فرق معايا أوي
وحبيت أوصل المعني دا للناس في ذكري حاتم لعلها تكون صدقه علي روحه
باريت كلنا نتخيل نفسنا مكان حاتم
ونحاول نعمل حاجه لنفسنا

وأخيرا أذكركم ونفسي بقول رسول الله صلي الله عليه وسلم
خاب وخسر من أدرك رمضان ولم يغفر له
فهيا شدوا العزائم لعلنا نعتق رقابنا من النار

وأخيرا أسالكم الدعاء لموتي المسلمين بالمغفره والعتق من النار

24 comments:

mohamed said...

ربنا يرحمة ..

موت الشباب اصبح أمر نسمع عنه بين وقت والتاني

اذكر في رمضان الماضي وفاة شرين وقبل رمضان وفاء علاء وغيرهم كتير

المهم حاتم ربنا توفاه علي ايه ..

وأحنا لما يجي أجلنا هنموت علي أيه؟؟؟

اللهم أرزقنا حسن الخاتمة ..وارزق أهل حاتم الصبر

Anonymous said...

لاحول ولا قوة الا بالله
انا لله وانا اليه راجعون
يمكن حاجة من الحاجات اللي اثرت في اني رايت احباب لي يموتون امام عيني منهم من كان كبير ومنهم من كان في سني


فلنحب ماشئنا ونعرف من شئنا ونتمني ما شئنا ولنعش امدا بعيدا فانا والله لتاركوا كل هذا


الناس اموات حتي اذا ماتوا استيقظوا


شئ غريب انا لسه كنت بقلب في المدونات وكنت في مدونة الاخت شيماء صاحبة مدونة http://shikoonline.blogspot.com
اينما نكون سيدركنا الموت ولو كنا في بروج مشيدة ولو كنا في اوج صحتنا ولو كنا بكامل صحتنا
اللهم ارحمنا اذا ماصرنا الي ماصاروا اليه

Anonymous said...

الله يرحمه ويحسن اليه
ويرحم جميع المسلمين الاحياء منا والاموات
كلمه مات كلمه صعبه اوى اصعب من ان الانسان يقدر يترجمها فى دماغه ويقول لنفسه هو مـتأثر بيها اد ايه
ان يكون النهارده انتى شايفه انسان وبتكلميه وبيكلمك وشايفاه وشايفك وبكره او فى اللحظه اللى جايه هيكون جسد ليس الا
صعبه اوى لان معناها فراق فى الدنيا وموعظه للاخره
صعبه اوى خصوصا لو اللى مات ده مات فى سن صغير لان كلنا بنحس ان محدش فينا بعيد عن الموت
انا حاسه بيكى اوى لان البوست ده فكرنى بزميلى فى المدرسه زمان الا انه مات فى اخر يوم رمضان ولاسباب تانيه .... وكلمه مات كانت اغرب كلمه مش لاقيالها معنى او ترجمه اقدر اقوله لعقلى عشان يستوعبه
ان فلان بقى مجرد ذكرى
ربنا يغفر لجميع موتى المسلمين الموحدين بالله ويرحمهم ويرحمنا
اللهم امين

The Manager said...

ربنا يرحمه ويجعله من اهل الجنة إن شاء الله

ويحشرنا معه فى الجنة جميعا

حكايته فعلامؤثرة قوي وربنا يعين اهله على فراقه وعلى رؤيتهم ليه فى ايامه الأخيرة

الموت فعلا قريب من كل واحد فينا , بس مش بنحس بكدة إلا لو شفنا قصاد عنينا حكاية زي حكاية حاتم

وممكن نحس بقرب الموت بس مش بنفس القوة لما نتذكر الأموات او نذهب لزيارتهم او نحضر المآتم ففي كل هذا من العبر والعظة ما يكفي ليكون تحذيرا ممانحن فيه من غفله

للأسف بقول الكلام دة وانا مليان ذنوب ومش قادر اكون مسلم بالصورة إللى بتمناها

احساس صعب قوي
لكنه ممكن يكون مفيد لو استغليته
ربنا يدينا جميعا ويهون علينا سكرات الموت وييسر لنا الخير دايما
ويغفر لأمواتنا واموات المسلمين جميعا

Anonymous said...

يااااااااااااه الله

لا حول ولا قوة الا بالله
انا لله وانا اليه راجعون

اللهم اجعل قبره نورا

اللهم ابدله دارا خير من داره
واهلُ خيرُ من اهله

يا رب افغر له وارحمه

ثبته يا رب العالمين








اصعب حاجة ممكن اتخيلها

الموت
يا رب ثبتنا
يا رب ثبتنا
يا رب ثبتنا
يا رب ثبتنا
يا رب ثبتنا

•«ρяoιd»•™ said...

ربنا يرحمه

و يرحم جميع اموات المسلمين

رمضان كريم

تحياتي

ابوجلال المصرى said...

السلام عليكم
اولا انا اسف كدا لأني ماردتدش علي الكلام الجميل اللى كتب فى مدونتي
ودا لأني فى الفتره السابقه كنت مشغول جدا
وانا بكرر اعتزارى
ومريت على المدونه كماشاء الله
مدونتك روعه
حياك الله
اخوك ابوجلال المصرى

بتاع العسل said...

بعد السلام

كل سنة وانتى طيبة
بمناسبة عيد الفطر المبارك
اعاده الله علينا
بالخير واليمن والبركات

نـــــــور said...

يااه بجد لمستي قلبي جدا بأسلوبك المؤثر وبكيفية ثبات الولد وحاله .. ربنا يرحمه برحمته ويتقبله في الصالحين .. آمين

اللهم ارزقنا حسن الخاتمة ولا تقبضنا اليك إلا وانت راضٍ عنا

******

كل عام وانت والامة الاسلامسة بخير بمناسبة عيد الفطر ..وعساكم من عواده بالخير والبركات

تقبلي تحياتي العطرة لكِ

اسلام ابوغزاله - مدونة ليه بس ؟ said...

لا حول ولا قوة إلا بالله
اللهم ارحمه وارحمنا جميعا

يا مراكبي said...

على فكرة .. الموقف ده عدى عليا فعلا .. كان واحد من دفعتي وكان شغال معايا في نفس الشركة لما كنت في مصر

الموت يأتي بغتة ... ومالوش سن أبدا

ربنا يعافينا ويغفر لنا خطايانا

khobayb said...

رحمه الله رحمة واسعة

وتقبله في الصالحين

اللهم ارحمنا

الطائر الحزين said...

انا لله وانا لله راجعون

لله ما اعطى ولله ما أخذ وكل شىء عنده بمقدار

اللهم ابدلة دارا خيرا من داره واهلة خيرا من أهله

واجمعنا به فى مستقر رحمتك

اللهم لا تحرمنا أجرة ولا تفتنا بعده واغفر لنا وله

Maha said...

إنا لله وإنا إليه راجعون

البقاء لله

يا بخته على حسن الخاتمة

اللهم ارزقنا حسن الخاتمة

Dr cool بادّن في مالطا said...

إنا لله و إنا إيه راجعون

قلبتي علينا المواجع يا أستاذة

لكن جزاك الله خيراً على التذكرة و ربنا يجعلها في ميزان حسناتك

و ربنا يحسن ختامنا جميعاً و يجعل خير أعمالنا خواتيمها ، و خير أيامنا يوم أن نلقى الله عز و جل

جزاك الله خيراً

و في انتظار رؤى جديدة

Anonymous said...

ايه يا معلمه مفيش بوست جديد ولا ايه ؟؟

cleopatra said...

تــبارك الله .. يعني .. مفيش احلي من كده


يا بختو ..

mo'men mohamed said...

أختى رؤية
والله لولا إنى مش لوحدى الآن لكنت بكيت بغزارة
ربنا يعفينا مما ابتلى به غيرنا
ربنا يرحمه و يغفرله
السلام عليكم

semsem said...

ان لله وان اليه راجعون

اللهم ارحمه واعفر له ولجميع المسلمين

ياسر سليم said...

ربنا يرحم حاتم ويغفر له

ويغفر لنا ما اسررنا وما اعلنا

و ربنا يستر على كل الناس اللى فصيلة دمهم نادرة كده زى حالاتى

Hussam El Din said...

يموت الأنسان عندما تموت ذكراه ....فى مخيلتى أن حاتم لم يمت بالمعنى الكامل فهناك أشخاص نقابلهم فى حياتنا ميتون و لكن بالمعنى الكامل .....انا لله و انا اليه راجعون و جزاكم الله خيرا على المعنى الجميل

Anonymous said...

"انا لله وانا اليه راجعون"ربنا يتغمده فى واسع رحمت ويجعل مستقره الجنة حاجة غريبة شباب كتير اليومين دول ربنا يرزقنا حسن الخاتمة لازم نحاول ناخد دروس وعبر من المرحوم حاتم وكيفيه رضه بقضاء الله وقدره ربنا يرزق اهله الصبر والسلوان...واخيراً اقول لله ماأخذ وله مااعطى وكل شئ عنده بمقدار....عاشق الحقيقة .........محمود على

Maha said...

بسم الله

السلام عليكم

فينك يا بنتي ؟

Sally said...

ربنا يكرمكم ولي عوده ان شاء الله