لما بختارهداية لحد
بيفرق معيا ازاي هاغلفها وبفكر في دا
وساعات ببقي متعمده اعمل انا دا بنفسي وببقي مستمتعه
يمكن اتعب في اختيار الصندوق
ويمكن اقرر ان محطهاش في صندوق اصلا
بس ببقي مستمتعة
واقول لتفسي
الهدايا جوة الصندوق
هي
علاقاتنا مع البشر جوة اطاراتها
مينفعش نختار لهدايا صغيرة صندوق كبيييييييير
تتوه فيه
مهما كانت روعة وقيمة الهدية دي
يمكن يكون
ابدا مش سهل انك تختار الصنوق المناسب
بس انا اهو بحاول
انا تقريبا هفضي الصناديق
وهعيد ترتيب كل الهدايا
واحتمال ارمي حاجات فقدت قيمتها بمرور الزمن
وجري عليها مفهوم التقادم الزمني
20 comments:
السلام عليكم ورحمة الله وبركاته
سالي ازيك
فلسفة عميقة كالعادة, بس المرة دي مع مرارة.
ربنا معاكي بس خلي بالك وانتى بتفتحي الصناديق وتعيدي ترتيبها ما تحطيش حد في صندوق لا يتحمل التغيير بلاش الصناديق المغلقة او غير المرنة لان كل حاجة بتتغير
سلام
سلمى
روبابيكيا الاصدقاء
بتاع الروبابيكيا تلاقيه يلف في الشوارع علشان يشتري اي حاجة من اي حد .. بعد كده بيبدأ يصنف الحاجات من جديد وهو اللي بيقرر قيمة كل حاجة وتصنيفها ايه .. حتى لو الحاجة دي مشتريها من رجل اعمال .. ممكن ينخدع في حاجة اشتراها وملهاش قيمه ؟ اه ممكن وفي الحالة دى اما بيوجدلها قيمة علشان ميخسرش كتير او بيرميها خالص لانه شايف انها ملهاش قيمه ... سر الشغلانه دي اعتقد في اعادة التصنيف والتلميع مش في طريقة الشراء
الاصدقاء كنوز من خرده ... لابد من اعادة تصنيفهم كل فترة
i know the feeling, it is not about rearranging the boxes, but
reorganizing the people in ur life
حلوة الفكرة يا سالي ولازم كل واحد من وقت للتاني يشوف الصناديق بتاعته ويعيد ترتبها ويشوف هو اد ايه مرتبها صح وربنا معاكي وترتبي كل صناديقك صح
وعليكم السلام ورحمة الله وبركاته
الفنده الكبيرة
كل حاجه بتتغيير الا التغيير
وفندنتك
سلمتي
شكرا علي كل تدعيمك ليا
وحتي شكرا علي كل فندنتك معايا
تصدقي فرقت معايا
D:
سيف
الاصدقاء كنوز من خردة
!!!
دا اعتقادك يعني
فربنا معاك ومع اصدقاءك
بالنسبه ليا الحد اللي بشوف فيه الصدقة صعب اوووي انه يكون خرده
الاصدقاء كنوز الرحلة وشركائنا فيها
اما عن اعاده التصنيف ... متفقه معاك
my sweet Brownie
that's totally right
pray for me ba2a
my amazing brownie
love you
لولي الجميلة
ليكي صندوق كبير
في مواقفك الرائعه الكتير
اللي بحبها وبحب صحبتها
متنسيش تدعيلي كتير
السلام عليكم ورحمة الله وبركاتة
هاى يا سالى ازايك ..
بجد بوست رائع ... انا معاكى جدا انه فى بعض الاحيان بالنسبة لعلاقاتنا بالاخرين بيكون ( الصندوق او الاطار ) اكبر من اللازم من غير ما نقصد اننا ننافق حد .. الفكرة اننا بنبقى حاسين بده فعلا او لانه كان يستاهل ده فعلا فى فترة ما .. ومن الجميل اننا كل فترة نعمل اعادة تنظيم وتصنيف لكل فردولكل حاجة فى حياتنا ( علشان نقدر نستوعب التغيير سواءكان مننا او من الاخر )...
بجد ربنا يوفقك يا سالى
سلام
آيات
اتمنى ماكونش فى صندوق مش بتاعى
ولو كنت كده اتمنى افضل فيه عن انى اترمى براه
:)
السلام عليكم ورحمة الله وبركاته
سالى سيد
ازيك يافندم
وكالعادة اطلالة متألقة وعميقة ومعبرة
بس بجد المرة دى حاسس انك دخلتى جوه نفسك قوى علشان تطلعى بالخاطر ده
واعتقد ان من الانصاف ان الانسان لازم فى البداية يجد لنفسه الصندوق المناسب لانها قيمة لايستهان بها اذا فتش وبحث ونمى وطور واسنمر وقيم
وعجبنى اوى سؤالك
هو علاقاتنا مع البشر جوه اطاراتها ؟
اعتقد ان ده واحد من اهم الاسباب للمشاكل التى نعيشها اننا مش بنحط العلاقات فى الاطارات المناسبة
مثال علاقة الصديق بصديقة والاب بابنه ( واعتقد ده له علاقة بموضوعك السابق محاكمة الابناء)
وعلاقة الزوج بزوجته الخ .............................
علشان كده الاختيار هى المرحلة الاهم فى حياتنا علشان كده قلت فى البداية ان الانسان مننا لازم يتمعن ويركز قوى وهو بيختار الصندوق اللى هيكون جواه لان دة اللى هيبلور قيمته وهتنبثق منها بعد كده قراراته واللى اكيد هتأثر فى اختياراته
علشان كده لازم نختار الهدايا بعناية فائقة ومن ثم نختار الاطارات المناسبة
وده لايتفصل عن ضرورة واهمية فحص الصتاديق كل فترة علشان نشوف
هو لسة الصندوق ده مناسب للهدية دى ؟ ولا ..............................
عموما ياسالى مبسوط انى علقت على موضوعك الراقى وبجد انتى واصدقائك هدايا جميلة تستاهل اطارات اجمل .
ملحوظة :
اروع مافى مو ضوعاتك ان فيها ترابط عجيب وجميل
اقصد طبعا ان موضوع اليوم ملمس بشكل رائع مع موضوع 3*1
شكرا سالى
عارفة احلى حاجة ايه ..
انك لما جبتيلي اخر هدية كانت من غير صندوق
:)
جميل انك تقومين بتحديث علاقاتك او اعادة ترتيب صناديقك بما تحتويه,واظن انه يجب ان يحدث هذا من حين لاخر ولكن يجب ان تراعى فى هذا قيمة الصندوق وقيمة ما بداخله فليس الحجم وحده يكفى لاعادة ترتيب الصناديق فمن الممكن ان يكون الصندوق كبير والهديه بحجمه وتناسبه ولكنه ليس كافيا للحفاظ عليها.
كونى دائما كما انتى (( كالبحر )) ما يظهر منه اقل بكثير مما يحويه بداخله.
دكتورة ايات
وعليكم السلام ورحمة الله وبركاته يا دكتور
وحشاني علي فكرة
ومبسوطةاوووي انك علقتي عندي
بلوجي نورت
اماعن تعليقك فانا متفقه معاكي جدا
اعمليها تاني
ماشي؟
كريم منصور
مينفعش تقول كدا علي فكرة
وعليكم السلام ورحمة الله وبركانه
اهلاين يا محمود
انا قعدت اقراء التعليق بتاعك في كتير مش عشان هو طويل .. لا .. بس عشان هو بجد عميق .. عجبتني تربيطاتك اوووي
فعلا انا معاك انه من الانصاف ان الانسان لازم فى البداية يجد لنفسه الصندوق المناسب لانها قيمة لايستهان بها اذا فتش وبحث ونمى وطور واسنمر وقيم
فتش وبحث ونمى وطور واسنمر وقيم
.....
عارف مش بس الاختيار هو االمهم .. ساعات تقييم الخيار كمان بيبقي مهم
الدنيا مش هتوقف لو اختارنا حد غلط لكن بجد هتوقف لو مفكرناش نوقف عشان تقيم الخيار دا .. وهي دي تقريبا اعادة الترتيب اللي قصدتها
.....
شكرا علي تعليقك يا محمود
ام فرح
بس الكيك كانت جوه صندوق
ههههههه
ولكل قاعده استثناء
والاستثناء في حد ذاته روعهـ
كونى دائما كما انتى (( كالبحر )) ما يظهر منه اقل بكثير مما يحويه بداخله.
الكلام اللي فوق دا عشان منك مميز
شيري
تتفقي معايا ان
النسيم لا يظهر الا اثره
ولا يظهر له اطار
D:
يمكن البوست ده بيلمس بطريقة غير مباشرة موضوع مهم جدا وهو أسلوب العرض
وهو شيء نفتقده بشده
قد يكون الشيء جميلا أو نفيسا لكن دائما طريقة العرض اللي بتعرضها بيه بتفقده قيمته دي .. وعلى العكس .. ممكن يكون فيه شيء تافه لكن تلاقيه طريقة عرضه خلابة وجذابة وبتزيد من قيمته القليلة دي
ده تلاقيه في كل شيء .. الآثار .. برامج التليفزيون .. السياحة .. الكتب .. الدراسة والعلم .. إلخ
بتفق معاك يا مركبي
طريقه عرض الاشياء
تضيف لها قيمة علي قيمتها
او تفقد من قيمتها الاصليه
Post a Comment